Robbie Williams ka zbuluar për herë të parë arsyet e ndarjes së tij nga ‘Spice Girl’ Geri Halliwell 23 vjet më parë.
Në serialin dokumentar “Robbie Williams”, i cili do të publikohet më 8 nëntor në Netflix, regjistrohet karriera e tij solo 25-vjeçare. Në dokumentar, Williams kujton të kaluarën e tij dhe reflekton mbi jetën e tij personale, duke e përshkruar marrëdhënien e tij me Halliwell si “magjike “.
Gjatë lidhjes së tyre, ‘Spice Girls’ dominuan botën e muzikës, të nxitur nga hiti i tyre “Wannabe”, i cili i bëri ato një fenomen për fansat e tyre.
Në vitin 1996, Williams u largua nga ‘Take That’ për të ndjekur një karrierë solo dhe përmes muzikës, polemikave dhe shfaqjeve të tij skenike, ai arriti sukses të rëndësishëm si artist solo, duke tejkaluar arritjet e tij me grupin.
Në të njëjtin dokumentar, Robbie Williams pranon se ishte jashtëzakonisht i lumtur me Gerin, por tregon edhe arsyen që zgjodhi t’i jepte fund lidhjes. Pas tre muajsh së bashku, ai vendosi të ndahej me të, thotë ai, për shkak të thashethemeve të partneres së tij, të cilat e shqetësonin thellë dhe shënuan fillimin e fundit.
