Rob Kardashian i është drejtuar gjykatës për të reduktuar shumën e kujdestarisë që ai paguan për vogëlushen 2-vjeçare, Dream dhe kështu ka nisur një “luftë” ligjore me Blac Chyna.
Në vitin 2017, Rob ra dakort që të paguante një shumë prej 20 mijë dollarësh në muaj për kujdestarinë e vajzës së tij. Mirëpo, Kardashian shprehet se tanimë ka mbetur trokë dhe shuma është shumë e lartë.
Sipas burimeve, Rob i frikësohet akuzave të Chyna-s,e cila e kërcënon se do të deklarojë në gjykatë se ai e ka dhunuar fizikisht gjatë lidhjes, e në këtë mënyrë humb edhe të drejtën e kujdestarisë ndaj vajzës.
Ndërkohë që, avokatja e Chyna-s për “TMZ” thekson se Chyna nuk ka dashur kurrë të përfshihet në këtë betejë ligjore sepse nuk do që vajza e saj Dream të ketë të tilla kujtime. Gjithashtu, ajo akuzon Rob se pretendon se është i varfër për të mos plotësuar detyrimet ndaj vogëlushes.
“Rob është tërhequr qëllimisht nga rrjetet sociale që të reduktojë fitimet. Çfarë prindi është ai, që luan në këtë mënyrë me të ardhmen e vajzës?” – u shpreh avokatja për “TMZ”.
