Rita Ora mund të cilësohet pa frikë si një kameleon i vërtetë, sepse deri më sot e kemi parë të ndryshojë me qindra herë “look” dhe në çdo formë duket kaq bukur. Teksa fansat e saj janë në pritje të publikimit të plotë të albumit “Bang”, këngëtarja i ka befasuar të gjithë me ndyrshimin e fundit në pamje.
Këngëtarja ka publikuar në rrjete sociale, disa foto të saj, ku përveç veshjes sensuale, të gjithëve ju ka rënë në sy ndryshimi i papritur në look. Këngëtarja shfaqet me flokë në ngjyrë portokalli, ndërsa vetullat i dallohen shumë pak. Pavarësisht se këto kohë ka kaluar një periudhë të vështirë për shkak të thyerjes së shpeshtë të rregullave anti-Covid, këngëtarja nuk ka harruar të falenderojë fansat e saj për mbështetjen e vazhdueshme.
“Jam e shastistur që ju jeni treguar aq të mrekullueshëm që kur publikova “Bang”! Jam shumë e lumtur që do të ndajë me ju edhe këto versione të këngëve që kemi regjistruar. Mezi po pres që ti dëgjoni”, ka shkruar këngëtarja në një postim.
View this post on Instagram
Aktualisht Rita ndodhet në Australi duke xhiruar “The Voice” në Sidnej, ku ajo debuton për herë të parë si trajnere.
Ndërkohë së fundmi Rita i ka dhënë fund lidhjes së saj edhe me Romain Gavras. Kjo gjë është konfirmuar edhe nga zëdhënësja e Romain.
“Rita dhe Romain u ndanë muaj më parë për shkak të vështirësive në angazhimet e tyre përkatëse të punës. Ata ende mbeten miq të ngushtë”.
