Rita Ora ka qenë mjaft e angazhuar këto kohë me punën e saj si trajnere në “The Voice Australia”. Megjithatë pushimet e vogla ajo i ka shfrytëzuar për të marrë rreze dielli, teksa qëndron në pishinën e saj në hotelin në Sidnej.
Rita tërhoqi vëmendjen e të gjithëve e veshur me një palë bikini në ngjyrë floriri, që e përfshinë këngëtaren në një situatë disi të sikletshme. Ndërsa ishte duke u relaksuar, të brendshmet e saj i zbuluan pak më shumë seç duhej. “Daily Mail” ka publikuar disa foto të këngëtares, ku ajo duket në formë perfekte fizike dhe e tonifikuar.
Kujtojmë se së fundmi Rita Ora i ka dhënë fund edhe lidhjes me regjisorin me origjinë greko-franceze, Romain Gavras dhe shkak u bënë angazhimet e saj të shumta në punë. Si fillim u tha se gjërat mes çiftit nuk po shkonin ashtu siç ishte parashikuar. Daily Mail raportoi se Rita dhe Romain po kalonin një krizë në çift dhe shkak ishte bërë pandemia dhe thyerja e rregullave nga ana e këngëtares.
Thuhet se pas gjithë gjobave dhe ndëshkimit publik që mori, Rita ka nisur të ndjekë rregullat e Covid-19, por kjo gjë e ka mbajtur larg partnerit të saj për shkak të ndalimit të udhëtimeve.
Ishte Romain ai që mohoi lajmet për ndarjen, por ndarja s’ka mundur të mbahet dot sekret për më gjatë! Zëdhënësja e Romain konfirmoi për “MailOnline” se marrëdhënia ka mbaruar për ‘muaj’, duke thënë:
“Rita dhe Romain u ndanë muaj më parë për shkak të vështirësive në angazhimet e tyre përkatëse të punës. Ata ende mbeten miq të ngushtë”.
