Pavarësisht se kanë kaluar mbi dy vite nga ngjarja e grabitjes së 28 nëntorit të 2015-s, ende mbetet një ngjarje e freskët për këngëtaren me origjinë shqiptare, Rita Ora.
Ndërkohë që po shijonte kulmin e suksesit të saj, më 28 nëntor 2015 një hajdut u fut në shtëpinë e Rita Orës dhe motrës së saj, Elena, ndërkohë që ato po flinin, duke grabitur sende që kapnin vlerën 200.000 paund.
Në një intervistë të dhënë së fundmi, këngëtarja me origjinë shqiptare ka folur për herë të parë për këtë grabitje, duke treguar se i është dashur t’i nënshtrohej një terapie në mënyrë që t’i rikthehej jetës normale.
“Ka ende ndikim tek mua, madje edhe tani që ka kaluar shumë kohë. Kur shkoj për të fjetur, vetëm ideja që ka qenë dikush në shtëpinë tënde, nuk është një ndjesi e mirë. Ishte akoma më e vështirë për motrën time, të cilës i është dashur të përballet me grabitësin në gjykatë. Ishte e tmerrshme pasi ti je në shtëpinë tënde, që vetë e kë ndërtuar dhe del papritur që nuk është aspak e sigurt. Kështu që mu desh të punësoja më shumë roje sigurimi, duke e rritur sigurinë me 200%”, shprehet Rita.
