Këngëtarja shqiptare me famë botërore, Rita Ora është shprehur shumë e emocionuar që më në fund do të zhvillojë performancën e jetës.
Ajo ka ndarë lajmin e madh në emisionin “The Tonight Show” me Jimmy Fallon ku ka treguar se ajo do të këndojë në Vatikan për Nënë Terezën.
“Do të shkoj në Vatikan, nisem nesër. Unë jam person spiritual, ndaj Vatikani është një gjë shumë e madhe për mua”, ka thënë ajo duke shtuar se ndihet e nderuar për këtë fakt.
Ora ka thënë se do të jetë në Vatikan për shenjtërimin e Nënës Terezë. Rita Ora e cila është gjithashtu prezantuesja e America’s Next Top Model, tha se është në kërkim jo vetëm për fytyra të bukura.
“Tyra Bank është e jashtëzakonshme, ne e duam atë. Ajo më ka pyetur nëse mund të shkojë ndonëse unë mendoj se nuk do të mund ta zëvendësoj atë, ajo e ka bërë këtë punë për kaq shumë vjet”, ka thënë këngëtarja shqiptare.
Rita Ora debutoi me një model flokësh shumë më të errët se zakonisht. Artistja 25 vjeçare duket se ka gjetur veten edhe në këtë model të ri, me flokët pak më të errëta tek rrënjët dhe deri më të hapura tek majat.
Ky është një ndryshim i dukshëm duke krahasuar me flokët e saj zakonisht shumë më bjonde, me të verdhë më të hapur. Por duket se nuk ka fare rëndësi modeli apo ngjyra, Rita është gjithmonë e destinuar të shkëlqejë dhe t’i bëjë të tjerët të flasin për të.
