Rita Ora është kthyer nga Sydney me 14 valixhe pas përfundimit të xhirimeve në “The Voice Australia”. Përpos “rrëmujës” që shkaktoi në aeroport me bagazhet e saj të shumta, ylli i popit mori vëmendjen e paparacëve me fizikun e saj në formë.
Ajo mbante veshur pantallona të zeza të ngushta, të shoqëruara me një pallto po ashtu të zezë.
Këngëtarja u ndal në tavolinën e kontrollit në nisje, duke tronditur stafin me numrin e çantave që kishte sjellë me vete.
Ky udhëtim vjen vetëm një ditë pasi Rita përfundoi xhirimet në “The Voice Australia”. Rita gjatë qëndrimit në Australi u shoqërua edhe nga bashkëshorti i saj, regjisori Taika Waititi.
