Këngëtarja me origjinë shqiptare, Rita Ora, ka rrezikuar jetën pasi ishte e pranishme gjatë një sulmi me armë në një rrugë në perëndim të Londrës, pasditen e djeshme.
Ylli i muzikës pop, ishte duke shijuar diellin dhe duke pirë një pije në një rrugë në Notting Hill, por skena paqësore u mbush më vonë me forca të policisë, pasi një person qëlloi me armë nga xhami i automjetit.
Këngëtarja shqiptare u shpëtoi për mrekulli plumbave ndërsa u përfshi në kaosin e krijuar. Fatmirësisht askush nuk u lëndua kur një person i armatosur hapi zjarr në një ndërtesë rreth orës 14:00 dje pasdite.
Një zëdhënës i policisë tha për “Mirror Online” se: “Të mërkurën, më 15 mars, policia u njoftua për të shtëna në Colville Xhennete, W11. Nuk ka pasur arrestime dhe hetimet janë duke vazhduar”.
Në fotot e publikuara nga Mirror, Rita Ora duket e qetësuar, teksa është ulur duke folur me dy miqtë që e shoqëronin.
