Rita Ora nuk ka pasur asnjëherë frikë të eksperimentojë kur vjen puna tek “look”-u i saj. Edhe ditën e sotme ajo arriti t’i bënte të gjithë të kthenin kokën në sfilatën e Fendit për Milano Fashion Week. Këngëtarja kishte vendosur të vishte një xhaketë të zezë, prej së cilës përjetoi një incident të vogël.
Në momentin që ajo arriti në Palazzo della Civiltà Italiana në Romë xhaketa u ngrit pak më sipër dhe i zbuloi të brendshmet që kishte veshur poshtë. Gjithsesi duket se ky incident nuk e ka shqetësuar aspak Ritën, që ka vazhduar rrugën e qetë e ka pozuar para aparateve të fotografëve.
Veshjen e saj artistja e hitit “Anywhere” e kishte kombinuar me një palë çorape rrjetë, këpucë të zeza, çantë të së njëjtës ngjyrë dhe një mbajtëse telefoni prej floriri. Rita nuk kishte harruar as të kujdesej për veten, duke mbajtur para fytyrës një maskë për t’u mbrojtur nga Covid-19.
Kujtojmë se kohët e fundit ajo përflitet për një lidhje të re dashurie me regjisorin francez, Romain Gavras. Vetë Rita nuk ka folur fare për këtë çështje, ndërkohë që miqtë e saj shprehen të bindur se marrëdhënia mes dyshes është shumë serioze.
