Në korrik u zbulua lidhja e re e Rita Orës me regjisorin me origjinë greko-franceze, Romain Gavras. Dyshja kaluan pushimet bashkë, mirëpo ata janë kujdesur që të mos shfaqen shumë të afërt me njëri-tjetrin në publik.
Por duket se këtëj e tutje ata kanë vendosur të mos fshihen më e ta shfaqin publikisht dashurinë. Së fundmi Rita dhe Romain janë fotografuar bashkë rrugëve të Londërs, duke ecur krah për krah me njëri-tjetrin. Të dy ata janë parë të veshur shumë thjesht me një xhup të zi, pantallona të së njëjtës ngjyrë dhe atlete.
Madje duket se gjërat mes tyre janë bërë familjare, pasi Rita dhe Romain i janë bashkuar në një kafe motrës së këngëtares, Elena Ora.
Për më tepër mediat britanke shkruajnë se Rita mund të jetë fejuar, sepse ajo është shfaqur me një unazë diamanti në gisht gjatë një darke me miqtë.
Se sa të vërteta mund të jenë këto fjalë nuk dihet, por artistja duket mjaft e lumtur me këtë romancë të re.
