Videoklipi më i fundit i Rita Orës ka një ngjashmëri me atë të Britney Spears! Këngëtarja me origjinë shqiptare publikoi klipin “Only Want You” dhe në një pjesë të saj rikrijohet një moment nga hiti i Britney-t, “Everytime”.
Fillimisht Rita përballet me pasojat e jetës si një person i famshëm dhe i pasur. E bezdisur nga kjo jetë ajo hyn në një lokal të qetë, por shumë shpejt rrethohet nga paparacët dhe gazetarët.
Por ndryshe nga klipi “Everytime”, Rita ka një fund më të lumtur duke performuar në një skenë, ku takohet nga versioni tjetër i saj, një kamariere, e cila nuk dëshiron asgjë më shumë sesa të bëhet e famshme dhe e pasur.
Të dyja shikohen dhe dëshirojnë jetën e tjetrës. Nëse para se të shikonit klipin ju mendonit se Rita i këndonte një mashkulli, ky version dëshmon se në fakt ajo i drejtohet vetes.
Vetë Rita e pranoi duke shkruar: “Hej Britney Spears, kjo ishte për ty sepse të dua shumë. Ndero ata që të frymëzojnë”.
Kujtojmë se një shembull të tillë ndoqi edhe Ariana Grande me klipin e “Thank you, next”, pasi ktheu në vëmendje disa nga filmat tanë më të dashur, si “Mean girls”.
Burimi: Instagram
