Këngëtarja me famë botërore, Rita Ora ka publikuar së fundmi një story në Instagram, ku ka zbuluar dy inspirimet e saj më të mëdha.
Ajo ka postuar një foto të nënës së saj Vera Orës dhe presidentes Vjosa Osmani.
Mësohet se një takim u mbajt në presidencë mes Vera Orës dhe Vjosa Osmanit.
“Dy inspirimet e mia në një dhomë” , ka shkruar ajo.
Rita gjithnjë ka treguar se është krenare që është shqiptare dhe madje e ka thënë shpesh, ashtu sikurse bëri së fundmi për një revistë australiane.
“E lindur në një familje të shquar kosovaro-shqiptare në Prishtinë, kryeqyteti i Kosovës tashmë të pavarur, në vitin 1990, Rita Sahatçiu ishte ende foshnjë kur familja – nëna e saj, Vera, babai, Besniku dhe motra, Elena – u larguan nga shtëpia e tyre. Luftërat Ballkanike të dekadës po shpërthyen. Ata kërkuan azil politik në Londër, ku Besniku bleu pijetoren ‘The Queens Arms’ në Kilburn, në Londrën Veriore”, tha ajo.
Tashmë ajo i është kthyer punës në studio. Madje,Rita po punon për albumin e radhës, raporton The Sun.
Një burim tha se ajo po bashkëpunon me një artiste tjetër të famshme.
“Rita tashmë është kthyer në studio duke punuar në albumin e saj të tretë, me sesionin e saj të fundit të incizimit me Ava Max dhe me Noah Cyrus”, tha burimi.
Ava Max, emri i vërtetë i së cilës është Amanda Koçi është një këngëtare mjaft e njohur, e cila është edhe shqiptare.
