Rita Ora mori pozicionin e Tyra Banks vitin e kaluar, për të qëndruar në krye të jurisë së “America’s Next Top Model”. Por tani Tyra ka vendosur që të rikthehet!
Supermodelja krijoi konkursin e modeleve në 2003 dhe e drejtoi deri në 2016-n. Këtë vit ajo ia la në dorë Rita-s drejtimin e konkursit, por ditën e enjte, ajo ka konfirmuar lajmin se do të rikthehet sërish në drejtimin e këtij programi.
“Më ka munguar shumë “America’s Next Top Model” kështu që do të rikthehem sërish”, shkroi Tyra në një postim të bërë në rrjetin social “Twitter”.
Banks ka bërë gjithashtu një tjetër postim, përmes të cilit ka vlerësuar këngëtaren me origjinë shqiptare për punën e saj të mrekullueshme si drejtuese e këtij programi.
“Zonjushë Rita Ora, ti je shembulli më i mirë i Business Boss Brand. Faleminderit shumë për punën e mrekullueshme që solle në “America’s Next Top Model””.
Vet Rita Ora reagoi në “Instagram” për të mos lënë dyshime, se mes tyre ekziston ndonjë xhelozi:
“Fjalët nuk mund ta përshkruajnë sa shumë jam argëtuar duke drejtuar shfaqjen për ty, ishte një nder i madh. Unë u rrita duke parë dhe duke dashuruar shfaqjen, ishte një ëndërr e bërë realitet dhe mezi pres të dëgjosh albumin tim të ri. Erdhi koha njerëz!”.
Burimi: Daily Mail
