Reperi kanadez Drake ka festuar dje 30-vjetorin. Ai ka marrë urime të shumta për ditëlindje përfshi edhe ato të bëra nga kolegët në rrjetet sociale.
Njëri prej këtyre urimeve ishte edhe ai i këngëtares me origjinë shqiptare, Rita Ora, e cila postoi një foto të veçantë me Drake në “Instagram”.
Rita nuk thotë se kur mund të jetë bërë fotoja me Drake, por nga modeli i flokëve të saj, dallojmë se është realizuar kohë më parë. “Gëzuar ditëlindjen”, shkruan Rita Ora.
Ndërkohë, pas ndarjes me Drake, Rihanna nuk ka bërë asnjë dedikim apo urim në rrjetet sociale, aty ku fansat kanë pritur me padurim.
