Këngëtaret shqiptare dhe një kohësisht yjet ndërkombtare, Rita Ora, Dua Lipa, Bebe Rexha si dhe Ava Max e kanë vënë gjithnjë në dukje me krenari të madhe, prejardhjen e tyre shqiptare.
Ato shpesh postojnë video dhe foto në rrjetet sociale, apo flasin në intervista të ndryshme lidhur me historinë shqiptare, traditat, kulturën, ushqimet etj.
Së fundmi, ka qenë Rita Ora, këngëtarja e hitit “Poison” e cila ka publikuar një video në llogarinë e saj të “Tik Tok”, ku edhe një herë shpalos kulturën shqiptare me botën.
Në videon e postuar ajo shfaqet duke kërcyer këngën që është bërë virale në “Tik Tok”, një miksim i hitit “Love Nwantiti” me remixin shqiptar të këngës “Habibi”.
Ajo ka shijuar këngën, duke e kërcyer nën ritmin e valles popullore shqiptare.
Ajo shkruan se për këtë, është frymëzuar nga dy motrat me origjinë shqiptare “Mian Tëins”, të cilat kanë një influencë të madhe në “Tik Tok”.
“Duhet ta bëja. Të preferuarat e mia që i ndjek në TikTok “miantëins” më inspiruan”- shkruan ajo duke vendosur edhe emojin e flamurit shqiptar.
Edhe më herët ajo ka treguar se është fanse e këngëve popullore shqiptare. Mjaftojmë të kujtojmë se koncertin e saj në Kosovë e nisi me “Vallen e Tropojës”, apo videon ku kërcen “Valle Kosovare” të Shpat Kasapit për Krishtlindje
