Këngëtarja me origjinë shqiptare Rita Ora u rikthye në skenën e “X Factor” mbrëmjen e së dielës për të debutuar këngën e saj të re “Anywhere” . Ajo ka dhënë një performancë të shkëlqyer, por pavarësisht kësaj fansat duket se e kanë pas mendjen më shumë tek ajo se çfarë Rita kishte “harruar” të vishte.
Këngëtarja 26vjeçare kishte veshur një bluzë sportive dhe një palë mbathje. Pikërisht kjo mënyrë të veshuri i ka ndezur fansat, të cilët kanë komentuar në rrjetet sociale duke thënë se Rita kishte harruar pantallonat.
Një përdorues shkroi në Twitter: “@RitaOra Mendoj se ke harruar të veshësh pantallonat për xfactor?”
“Veshja e Rita Orës është homazh për të gjithë ata që kanë harruar rrobat e fizkulturës në shkollë dhe duhet të bëjnë ushtrimet vetëm me mbathje”, bëri shaka një tjetër.
Ndërsa një fans postoi këtë shkrim: “Zot i madh! Rita Ora duhet të ketë humbur pantallonat rrugës për në skenë”.
