Një ditë më parë u raportua se Rita Ora është ndarë nga aktori i famshëm, Andrew Garfield, sepse ky i fundit donte një jetë më private. Dhe këngëtarja me origjinë shqiptare fotografohet pët herë të parë pas lajmit, në dy situata të ndryshme.
Fillimisht ajo u dallua në aeroportin e Brisbane-s dhe mërzitjen mund ta lexojmë në fytyrën e saj. Rita Orës nuk i qeshte buza, pasi doli nga makina për t’iu drejtuar sportelit të aeroportit, ndërsa kishte zgjedhur një veshje “casual”, xhinse dhe atlete.
Të martën u njoftua se çifti ishte ndarë pas lidhjes 4-mujore, ndërsa këngëtarja mësohet se ishte e shkatërruar pas vendimit që mori aktori.
Ndërsa mbrëmjen e së mërkurës, Rita i tregoi aktorit se çfarë po humbte pasi me sjelljen e saj dëshmoi se kishte hedhur pas krahëve ndarjen e tyre.
Ajo u shfaq me një veshje më pikante dhe një tualet më të rëndë, ndërsa hynte për në hotel pas koncertit.
Një burim i tha “The Sun” se: “Rita është e mërzitur për të gjithë situatën. Andrew u nda me të kohët e fundit dhe për këngëtaren ka qenë e vështirë pasi kishin kaluar shumë kohë së bashku”.
Karriera e saj sa vjen edhe po rritet gjithnjë e më shumë dhe Rita po jeton jetën e saj në qendër të vëmendjes, por kjo gjë mesa duket nuk i ka pëlqyer aktorit.
Burimi: Daily Mail
