Pasi u shfaq në “Grammys”, “Brits” dhe “Oscars” në muajt e fundit, Rita Ora sigurisht ka pasur shumë angazhime në fillim të 2018-s.
Por kjo është diçka e zakonshme për 27-vjeçaren, e cila ka udhëtuar në 14 vende të ndryshme në 12 muajt e fundit, pavarësisht se nuk ka qenë në turne.
Këtu përfshihen udhëtime në Paris, Nju-Jork dhe Los Angeles.
Këngëtarja me origjinë shqiptare, e cila jeton në Londër, ka bërë edhe disa ndalesa në Moskë, Hong Kong dhe Hamburg, si dhe ka shijuar udhëtime në Vankuver dhe Melburn.
Deri më tani këtë muaj, Rita ka qenë në Bahrein, Los Angeles dhe në Kosovë, vendi ku ka lindur.
Ylli i muzikës pop ka punuar shumë për promovimin e filmit “Fifty Shades Freed” gjatë muajve të fundit, si dhe për publikimin e këngëve të reja dhe lançimin e markës së saj të veshjeve “Roara Republic”.
Ndërsa shumica e udhëtimeve të saj janë të lidhura me punën, Rita ka shijuar pushimet në Maldive, Xhamajkë, Kenia dhe Kolorado.
Një eksperte e të famshëmve tha se, axhenda e zënë e Ritës nuk është për t’u habitur, duke patur parasysh se ajo është aktualisht në kulmin e karrierës.
Emma Usher, e cila drejton RunRagged, një konsulente e të famshmëve, që i regjistron për ngjarjet e tapetit të kuq dhe fushatat publike, tha për “Daily Mail”:
“Rita Ora është në kulmin e karrierës së saj për momentin dhe është një artiste e cila kalon në disa zhanre të ndryshme nga muzika, moda dhe aktrimi.
Vitin e kaluar ajo filmoi serinë e re të “50 Shades”, regjistrimin e muzikës së re bashkë me klipet, daljen në emisione televizive dhe moderimin e EMAs. Ajo gjithashtu ka nisur linjën e vet të modës dhe të gjitha këto gjëra kanë nevojë për promovim”.
