Rita Ora dukej e pabesueshme në tapetin e kuq të ” Met Gala “, që u mbajt mbrëmjen e së hënës.
26-vjeçarja dukej sikur ishte mbështjellë me një fjongo gjigante të kuqe, teksa mbërriti jashtë Muzeut Metropolitan të Artit në zemër të Avenue 5 në Nju Jork.
Tema e këtij viti në Met Gala ishte Rei Kawakubo / Comme des Garçons, frymëzuar nga stili avantgard i legjendës japoneze të modës.
Dhe veshja e Ritës iu përshtat më së miri këtij stili, veçanërisht sa i përket aksesorit që mbulonte flokët e saj.
Flokët e saj ishin të fshehura nën një paruke të pazakontë bionde të lyer me bojë e cila dha iluzionin e një prerjeje dramatike. Me buzët e kuqe dhe vathët dhe unazën diamant, këngëtarja shqiptare u vlerësua si një ndër të veshurat më bukur.
Ndërsa bishti i gjatë i fustanit shtoi një magjepsje të mëtejshme teksa ajo pozonte për fotografët.
Burimi: Daily Mail
