Fillimisht u përfol se Rita Ora do të merrte pjesë në festimet për 10-vjetorin e pavarësisë së Kosovës dhe në këmbim nuk donte asgjë. Më pas u njoftua se qeverisë i duhej të paguante plot 300.000 euro për ardhjen e saj dhe të bandës.
Por tashmë është sqaruar, se Rita do të jetë në shesh që të performojë falas. Ajo ka zbuluar një surprizë në “Insagram”-in e saj, si një dhuratë për të gjithë shqiptarët. Rita ka dizajnuar dy bluzë posaçërisht për këtë përvjetor, ndërsa në të ndër të tjera shkruhet Kosovë dhe emri i këngëtares.
Fotos i ka bashkangjitur edhe një shkrim në shqip dhe në anglisht ku thuhet:
“Përshëndetje të gjithëve! Jam shumë e lumtur që do të jem me ju në 10-vjetorin e Pavarësisë së Kosovës në Prishtinë. Kjo është një bluzë të cilën e kam dizejnuar për këtë rast dhe shpresoj të mbetet një kujtim i mirë për të gjithë ne. Ju dua, Rita”.
Të gjithë mund të blejnë një bluzë të tillë pavarësisht se ku ndodhen, por ajo iu kushton 50 paund, që do të thotë 56 euro ose 7500 lekë shqiptare.
Por do të jetë një kujtim i bukur që do të zgjasë me vite.
Burimi: Instagram
