Në vitin 2012, Rob Kardashian u nda nga Rita Ora mes supozimeve të pabazuara se ajo e tradhtoi “me më shumë se 20 djem”.
Megjithatë, tashmë kanë kaluar 6 vite dhe gjithçka është harruar mes familjes Kardashian, pasi këngëtarja me origjinë shqiptare u dallua duke biseduar me nënën e Rob, Kris Jenner dhe motrën Kim Kardashian në festën e Lorraine Schwartz.
Një burim zbuloi për “Daily Mail”: “Pasi çifti u ndau, Kim dhe Kris i dhanë fund marrëdhënies së tyre me Ritën … Kim dhe Rita kuptuan se shumë gjëra janë hedhur pas krahëve dhe u bashkuan duke folur për jetën e tyre, pasi të gjithë kanë ecur përpara”.
Në atë kohë Rob shkroi në “Twitter”:
“Si mundet një femër që është shumë e zënë duke nisur karrierën e saj të ketë kohë që të shkojë me aq shumë djem, ndërsa është në një lidhje. Jam i neveritur”.
Në atë kohë më pas ai shkroi:
“Respekto veten. Kur një grua të tradhton me një mashkull, mund ta kapërcej. Njerëzit gabojnë, më besoni. Unë kam falur shumë herë”.
Pavarësisht situatës gjërat duket se janë harruar, pasi Kim dhe Kris u panë se ishin duke kaluar mirë me këngëtaren, e cila ishte kombinuar me të bardha si ish-kunata e saj.
Në shkurt të vitit të kaluar, Rita tregoi se kishte hedhur gjithçka pas krahëve pasi përgëzoi ish-in Rob, kur u bë baba me vajzën Dream.
