Këngëtarja Rita Ora do të rikthehet sërish në Shqipëri më 3 qershor ku do të performojë në Sheshin Skëndërbej. Lajmi fillimisht u konfirmua nga Bashkia Tiranë.
Por edhe këngëtarja e hitit “Your Song” ka reaguar në një postim në profilin e saj në Facebook, ku shprehet shumë e lumtur.
” Jam shumë e emocionuar që do të shkoj në Tiranë, në kryeqytetin e Shqipërisë, për një koncert në 3 qershor, në sheshin e mrekullueshëm Skënderbej. Mezi po pres për të kërcyer me të gjithë ju…“ – shkruan Rita në Facebook.
Kjo është hera e dytë që Rita Ora do të performojë në Tiranë, pas koncertit të saj për 100 vjetorin e pavarësisë.
