Dizajnuesja Jalila Essaïdi iu kthye plehut për të krijuar një koleksion “Haute Couture”. Stilistja dhe artistja, e cila jeton në Eindhoven të Hollandës, gjeti një mënyrë gjeniale për të krijuar materiale organike dhe të riciklueshme.
Jalila i krijon pëlhurat e saj me bazë jashtëqitjen, për të realizuar veshjet e saj. Materialet e prodhuara nga riciklimi i plehut të lopës është një nga mënyrat e Essaïdi-t, veç materialeve të krijuara nga plastika organike dhe letra organike.
Mestic, siç quhet edhe pëlhura e re, vjen nga një fjalë holandeze që kombinon termat: pleh kafshësh, fertilizim dhe plastikë.
Ajo është prezantuar në qershor të këtij viti në një shfaqje të modës të organizuar nga Essaïdi dhe ekipi i saj në laboratorin BioArt.
Shfaqja dhe prezantimi i pëlhurës së re janë pritur me aq entuziazëm, saqë Mestic tani është konsideruar si një zgjidhje alternative për problemin e plehut të lopës, i cili prodhon sasi të tepërta të fosforit dhe azotit në sipërfaqësore të tokës dhe poshtë saj. Kjo zgjidhje alternative do të sigurojë një burim të qëndrueshëm të materialeve organike në industrinë e prodhimit, duke përfshirë sektorin e tekstileve.
“Kjo nuk është hera e parë që shkencëtarët po kërkojnë për mënyra për të zgjidhur problemin me plehun e kafshëve. Por është hera e parë që plehu po konsiderohet si një burim i rëndësishëm. Fillimisht ne nuk kishim qëllim të krijonim këtë fije, por një veprim logjik na shtyu për ta krijuar. E gjithë kjo ka lidhje me transformimin e materialeve të papërpunuara në mundësi për të ardhmen”, është shprehur më herët dizajnuesja. Qëllimi i saj i radhës është që pëlhura të shpërndahet kudo në botë!
*Shfleto galerinë
Burimi: Dezeen
