Sezoni i ri i “Për’puthen” nisi ditën e sotme për të shkaktuar sërish shumë bujë kudo. Sërish këtë sezon, moderimi i është besuar Bora Zemanit, ndërsa Arjan Konomi vazhdon të jetë opinionist.
Ditën e sotme u prezantuan disa nga konkurrentët që kërkojnë të gjejnë dashurinë në program. Sot u prezantua vetëm njëra nga vajzat, Ritvana Fetahu, 27 vjeçe me origjinë nga Puka. Ajo tregoi se jeton në Danimarkë, vend në të cilin punon si asistente zyre ndërmjetësimi. Ritvana tha se synimi i sai është që në 5 vitet e ardhshme të bëhet pjesë e Parlamentit Europian.
View this post on Instagram
Denzel Koçi ishte ndër konkurrentët e parë nga djemtë që u prezantua ditën e sotme. Ai është 24 vjeç, ka lindur në Mynih, por tashmë jeton në Tiranë. Aktualisht punon në biznesin e tij.
Argjend Rraci është 27-vjeç, ka lindur në Pejë dhe aktualisht jeton në Gjermani, ku edhe punon si recepsionist.
Jurgen Boduri, 24 vjeç, ka lindur në Berat, por aktualisht jeton në Tiranë. Pozicioni aktual i punës: Asistent menaxher.
20-vjeçari Julian Çela tërhoqi vëmendjen e të gjithëve me prezantimin e tij të parë. Ai tha se i do shumë femrat dhe nëse do të ishte femër me shumë mundësi do të ishte lesbike.
Markeliano Peti, 27 vjeç nga Durrësi pranoi se është bipolar dhe zbuloi se aktualisht punon Suport IT online.
Bajo Qamo është 21 vjeç dhe ka lindur në Fier, por aktualisht jeton në Tiranë, ku edhe punon biznesin e tij privat.
Bruno Shemsho, është 26 vjeç dhe ka lindur në Delvinë, por aktualisht jeton në Tiranë. Aktualisht punon si operator.
