Grindja e saj e parë me Madonna-n raportohet se pushoi në vitin 2012. Por duket se Lady Gaga e rifilloi armiqësinë pas katër vitesh, gjatë një interviste për radion Beats 1, të enjten.
Këngëtarja 30-vjeçare u shfaq e veshur me një këmishë të dukshme në programin radiofonik për të promovuar albumin e saj të fundit “Joanne”, i cili pritet të publikohet ditën e sotme.
Por duket se kjo intervistë ka marrë një tjetër drejtim, në momentin që drejtuesja e programit bëri një krahasim mes Lady Gaga-s dhe Madonna-s. Gaga reagoi menjëherë duke u shprehur se mes saj dhe Madonna-s ka ndryshime tepër të mëdha.
“Ka një tjetër artiste që ka jetuar një ekzistencë paralele, bazuar në këtë histori, për të cilën jam e sigurt që e kupton. Ti e di, Madonna tregon një histori të ngjashme, babai shumë i kujdesur, “Papa Don’t Preach”. E kupton se çfarë dua të them”, tha moderatori Zane Lowe.
Edhe pse ka thënë se nuk dëshiron të tregohet e pasjellshme me këngëtaren e “Material Girl”, ajo la të nënkuptohet se është shumë më e talentuar se Madonna.
“Madonna dhe unë jemi shumë ndryshe. Nuk do ta bëja aspak atë krahasim dhe nuk dua të mos respektoj Madonna-n, ajo është një zonjë e këndshme dhe ka një karrierë të madhe, më të madhen të një ylli pop të të gjitha kohërave. Unë i bie veglave të ndryshme instrumentale. Unë e shkruaj vetë muzikën time. Kaloj orë të tëra në studio. Unë jam një producente. Jam shkrimtare. Këto janë gjërat që na bëjnë ndryshe”, tha këngëtarja duke treguar qartë talentet e saj krahasuar me Madonna-n.
Ajo vazhdoi më tej: “Nuk dua të krahasohem me asnjë më, jam ajo që jam dhe kjo jam unë. Historia e jetës sime është e imja, ashtu siç është e jotja. Çështja është që të gjithë i shprehim gjërat në mënyra të ndryshme, por rebelimi im ndaj babai tim që zemërohej me mua, ka përfunduar”.
Burimi: Daily Mail
