Rikthehet edhe një herë drama mes Drake dhe Kanye West. Reperi i njohur, Drake ka publikuar një këngë të re me pjesë nga zëri i Kim Kardashian dhe Kris Jenner, në këngën “Search & Rescue”.
36-vjeçari nga Toronto, përdori një fragment nga seriali i mëparshëm i familjes “Keeping Up With the Kardashians”. Audioja e vitit 2021 shfaq Kim duke folur me Jenner për fundin e martesës së saj me reperin Kanye West, shkruan DailyMail.
“Unë nuk kam ardhur deri këtu vetëm për të mos qenë e lumtur – mbaje mend këtë”, thotë Kim, teksa nëna e saj Kris pajtohet me këtë deklaratë të saj.
Kjo ka ndezur spekulime se artisti, emri i plotë i të cilit është Aubrey Drake Graham, mund të jetë duke provokuar rivalin e tij West në vazhdën e tensioneve të së kaluarës.
Drake, i cili kohët e fundit njoftoi se po konsideron një ‘dalje të këndshme’ nga industria e muzikës, dha premierë këngën në The Fry Yiy Show në SiriusXM Radio.
Edhe pse Kanye ka performuar me Drake dhe ka prodhuar hitin e tij të vitit 2010 “Find Your Love”, dyshja ka qenë e njohur për grindje gjatë viteve.
Një arsye e madhe pas përçarjes mes Ye dhe Drake është gjithashtu e përqendruar rreth Kimit pasi reperi kanadez ka bërë referenca të shumta në tekstet e tij ndaj saj dhe madje ka aluduar më parë për një lidhje mes të dyve në një këngë të vitit 2021 të titulluar “Wants And Needs”.
