Një grabitje u regjistrua sot reth orës 15:00 në zonën e aeroportit të Rinasit, ndërsa raportohet se një person ka mbetur i vdekur.
Dyshohet se viktima është një nga grabitësit. Nga burime jozyrtare për mediat mësohet se, është thyer perimetri i sigurisë në aeroportin e Rinasit dhe pasi është kryer grabitja, gjatë tentativës për largim, njëri prej grabitësve është qëlluar nga forcat speciale.
Mendohet se autorët e veshur me rroba ushtarake grabitën një makinë të blinduar, e cila dyshohet se transportonte rreth 2 milionë euro. Paratë që i përkasin një banke të nivelit të dytë, do të transportoheshin jashtë shtetit.
Sipas burimeve, grabitja është kryer nga 4 persona të cilët kanë qenë me një makinë me logo “HETIMI TATIMOR”. Grabitësit dyshohet se janë larguar drejt fshatit Nikël.
Forca të shumta policie ndodhen në vendngjarje, ndërsa kanë ngritur postblloqe për të bërë të mundur ndalimin e grabitësve.
Burimi: TCH
