Duhej që Tayna dhe Rina të shkrinin akullin mes tyre për tu kuptuar se vajzat mendojnë njësoj.
Ato na kanë surprizuar të gjithëve sot, pasi të dyja kanë postuar në Instastory një status të njëjtë. Fillimisht atë e kemi parë në profilin e Rinës, e pastaj në të Taynës.
Fotoja është marrë nga e njëjta faqe, teksa vajzat vijojnë mos ta ndjekin njëra-tjetrën.
A e di pse të huajit të mbështesin më shumë se njerëzit që njeh? Sepse njerëzve që njeh ju duhet shumë kohë për të pranuar faktin se ju vini nga i njëjti vend, teksa ata janë ende tek ai vend.
Si duket dy artistet paskan të njëjtin “hall”!
Nuk e dimë nëse kjo është rastësi apo jo, por rikujtojmë se javën e kaluar Rina na surprizoi të gjithëve teksa ishte e ftuar në ‘Shiko kush luan’, ku luajti lojën ‘paintball’, duke u vendosur përballë personazheve që nuk kanë thënë edhe aq gjëra të mira për të.
Por, ndryshe prej tyre, reperja zgjodhi mos tu përgjigjej me të njëjtën monedhë. Në këtë listë ishte edhe Tayna, me të cilën Rina pranoi se janë qetësuar gjakërat, teksa e pyetur nëse do kishte bërë një bashkëpunim me të u përgjigj:
Do kisha bashkëpunuar me të gjithë, pa problem.
Epo, s’thonë kot e shkuar e harruar. Tani mbetemi në një përgjigje nga Tayna. Kjo e fundit kohët e fundit është përfolur se ka nisur një konflikt me Dafinën.
Shkak janë bërë disset në distancë, unfollow ndaj njëra-tjetrës dhe mungesa e mbështetjes. Megjithatë, deri tani asnjëra prej tyre nuk ka folur publikisht rreth kësaj teme.
Se si do vijojë situata, mbetet për tu parë.
