Grupi ikonik “Pussycat Dolls” është larguar prej vitesh nga muzika dhe me të vërtetë na kishin munguar!
Mirëpo, shkëputjes së gjatë nga bota e muzikës duket se i ka ardhur fundi, pasi vajzat e famshme janë shumë pranë një rikthimi.
Media britanike “The Sun” ka bërë me dije se “Pussycat Dolls” do të nënshkruajnë sërish një kontratë që do t’i mundësojë një të ardhme të ndritur dhe afatgjatë në muzikë.
Vajzat do të rikthehen me projekte të reja dhe do të na kthejnë pas në kohë, duke na shuar mallin që kishim prej vitesh.
Në vitin 2017, “Pussycat Dolls” u bë pjesë e një skandali mediatik, pasi një ish-pjesëtare deklaroi se grupi i vajzave më të famshme ka vepruar si një rrjet prostitucioni dhe detyroheshin nga shefat e shtëpive diskografike të kryenin seks me ta.
Kaya Jones bëri akuzën tronditëse në një seri postimesh në rrjetin social “Twitter”, duke akuzuar menaxherët dhe drejtuesit e grupit, të cilit ajo iu bashkua në moshën e adoleshencën, në vitin 2003.
Themeluesi i Pussycat Dolls, Robin Antin i konsideroi akuzat e Jones si të neveritshme dhe qesharake. Ai vazhdoi duke shtuar se ajo nuk ka qenë kurrë një anëtare e vërtetë e grupit.
Këto akuza kanë përfshirë në skandal edhe ish-antaret e grupit, përfshirë këngëtaren me famë botërore Nicole Scherzinger.
