Young Zerka publikoi pak orë më parë këngën e tij të re, të titulluar: “Nesër”.
Por, ajo çfarë më tepër bën përshtypje është se krahas titullit, në kllapa është vendosur edhe emri Anila Mimani.
Këngëtarja e njohur e viteve ‘2000, ka kënduar refrenin e këngës “Nesër”.
Ajo nuk shfaqet në video e megjithatë, është kënga e dytë ku ajo merr pjesë 11 vite pas këngës “Inati” të Produkt 28 në 2009-ën tek “Kënga Magjike”.
Anila Mimani, e njohur për zërin e saj të ngjashëm me zërat e indianeve, ka publikuar dy video: “Fustani” në 2006-ën dhe “Me inat po shkon” me Ratin në 2008-ën, para se të tërhiqej nga muzika.
Siç edhe tregoi e ftuar tek “Rudina” në maj të 2017-ës, ajo po jeton në Zvicër, ku i është dedikuar rritjes së dy vajzave të saj.
Vitin e kaluar në verë, ajo publikoi një bashkëpunim me Imbron, “Të du pa fjalë”.
