Reperi i njohur, Travis Scott ndodhet në Las Vegas edhe është gati për të dalë në skenën e “Billboard Music Awards”. Jo vetëm kaq, por ai duket shumë i lumtur.
Travis ishte në Encore Beach Club të shtunën, duke u shoqëruar me Marshmello dhe grupin e tij. Ai ishte mjaft i buzëqeshur gjatë gjithë kohës, ku më pas reperi u largua me trupën e sigurimit.
Siç mund ta shihni në foton e publikuar nga TMZ, teksa dilte nga hoteli, një djalë iu afrua Travisit dhe i shtrëngoi dorën.
Travis do të dalë në skenën e “Billboard Awards”- shfaqja e parë e çmimeve që ai do të jetë prezent që nga tragjedia e “Astroworld” nëntorin e kaluar.
Diddy, i cili do të jetë edhe prezantues i shfaqjes, ka ftuar edhe Morgan Wallen për të performuar. Siç e dini, Morgan ishte personi që u shpall “non grata” në Billboard Awards të vitit të kaluar pasi u shfaq një video e tij duke përdorur një fjalë jo të hijshme.
Reperi Travis Scott ende ndodhet përballë padive të shumta pas tragjedisë që ndodhi në “Astroworld”, por ai është rikthyer tashmë për të performuar. Ai gjithashtu do të performojë para 100,000 njerëzve më vonë gjatë këtij viti.
