Me siguri e keni ndjekur qoftë edhe një herë të vetme në “Top Channel” emisionin “She’s on Top”, ose keni dëgjuar për personazhet e tij.
Vajza të bukura shqiptare, plot guxim, shkëlqim e elegancë, konkurruan për javë me radhë me njëra-tjetrën për çmimin e parë, teksa na kënaqën me prezencën e tyre në ekran.
Ky emision përfundoi pak muaj më parë dhe nëse po vrisnit mendjen nëse do të rikthehet, autorja e emisionit, Argjira Spanca (gjithashtu pjesë e jurisë), e ka konfirmuar këtë lajm.
Dikush i ka sugjeruar Argjirës të sjellë “She’s on Top 2”.
“Të gjithëve na mungon ky show. Duhet patjetër të sjellësh “She’s on Top 2”.
“Mezi po pres”- i është përgjigjur Argjira, duke dhënë kështu lajmin e bukur.
Moderatorja njihet për stilin e saj të veçantë dhe është një ndër emrat më të rinj të ekranit që tërhoqi vëmendjen me eksperiencën e re në “E Diell”.
Rikujtojmë se përpara nisjes së “E diell” përflitej se ajo ishte zëvendësuese e Jonida Maliqit, pasi kjo e fundit u tërhoq për shkak të angazhimeve me Eurovisionin.
Argjira është shprehur se ka pasur oferta edhe më herët që të futet në botën e TV në Kosovë, por nuk e ka gjetur veten në idetë që i janë ofruar.
