Moderatorja e njohur, Jonida Vokshi do të kthehet sërish në ekranet shqiptare.
Ndonëse e shkëputur prej disa kohësh, tashmë është konfirmuar se Jonida do të moderojë spektaklin e talenteve për fëmijë, “Gjeniu i Vogël”.
Edicioni i tetë do të zhvillohet në Vizion Plus. Edicioni i fundit i “Gjeniut të Vogël”, me produksion të Pandi Laços, Bledi Laços dhe Adi Hilës, u transmetua në vitin 2016, në Klan.
View this post on Instagram
Aktorja gjithashtu ngacmoi së fundmi edhe ndjekësit e saj në rrjetet sociale me një postim rreth projektit të ri që do sjellë.
Ajo ka postuar një foto në “Instastory”, ku shihet vajza e saj me një libër në dorë duke shkruar:
“Po bëhet gati për tek ‘Gjeniu i vogël’. Në fakt po bëhemi të dyja”, duke nënkuptuar se ajo do jetë moderatorja e emsisionit që u dedikohet fëmijëve dhe rikthehet pas shumë vitesh në ekran.
Kujtojmë se emisioni i saj i fundit ka qenë “Thurje” dhe më pas solli një projekt personal në platformat digjitale me bashkëshortin e saj. Mirëpo, pasi u bë nënë Jonida e ndërpreu edhe atë dhe angazhimi i saj i fundit ka qenë seriali “H.O.T”.
