E mbani mend Madonën shqiptare?
Prej vitesh ajo i ka munguar skenës, ndonëse në periudhën e fillim viteve 2000 ishte një ndër këngëtaret më të bujshme.
Madona, emri i së cilës është Elda Shabani, ishte sot e ftuar në “Ftesë në pesë”, ku foli për jetën e saj jashtë kufinjve të Shqipërisë.
Ajo jeton në Zvicër dhe është e martuar tashmë me bashkëshortin 8 vite më të ri, për të cilin tha se e sheh si fëmijën e tretë nga ngacmimet që ai merr nga vajzat e reja.
“Bashkëshorti im është pak king dhe filluan disa femra ta ngacmonin në syrin tim, t’i flisnin, njëra ja bënte me sy dhe ky për momentin u hutua’, tha Elda.
Ajo më pas tregoi një nga skenat kur ishte bërë me të vërtetë xheloze për bashkëshortin të cilin e thërret “bebu”.
“Unë e di që ai është shumë i sinqertë, por ajo xhelozia më hëngri këtu nga brenda… Ai është mjekrosh dhe ia kapa mjekrën: bukurosh eja këtu, i thashë”, tregoi ajo.
Elda punon si psikologe dhe këto vite larg skenës dhe televizionit u është përkushtuar fëmijëve.
