Yll Limani po përjeton një nga periudhat më të suksesshme të karrierës së tij muzikore, teksa turneu ndërkombëtar “TSN International Live Tour” po rezulton një sukses i jashtëzakonshëm mes publikut shqiptar në diasporë dhe jo vetëm.
Pas një serie koncertesh të mbushura me mijëra fansa në Zvicra dhe Gjermania, artisti ka konfirmuar se turneu do të vijojë edhe me data të reja në Suedia dhe Austria, duke dëshmuar interesin e madh që publiku vazhdon të tregojë për performancat e tij live.
Por surprizat nuk mbarojnë këtu. Përmes një postimi në rrjetet sociale, Yll Limani ka zbuluar edhe “Phase II” të turneut, që shënon rikthimin e tij me koncerte gjigante në trojet shqiptare. Këngëtari ka paralajmëruar tri netë të mëdha muzikore në Tiranë, Shkup dhe Prishtinë, të cilat pritet të jenë ndër eventet më të komentuara të këtij sezoni veror.
Vetë artisti ka bërë të ditur se këto do të jenë koncertet e vetme që do të mbajë këtë vit në Kosovë, Shqipëri dhe Maqedoni, duke i cilësuar si mbrëmje “të paharrueshme” për publikun e tij.
Biletat për koncertet pritet të dalin në shitje këtë të hënë, ndërsa fansat mezi presin të përjetojnë nga afër atmosferën e “Thirrëm Sot ose Nesër”, turneut që premton super produksion, emocione dhe hitet më të njohura të repertorit të Yll Limani.
View this post on Instagram
