Ndonëse dita e premte shënoi një rënie të numrit të të infektuarve të rinj me koronavirus në Shqipëri, e shtuna ka risjellë shifra të frikshme.
48 raste të reja me COVID-19 janë regjistruar brenda 24 orëve të fundit, duke shënuar kështu dhe shifrën më të lartë të të infektuarve në vendin tonë që prej nisjes së pandemisë.
Burime për “Top-Channel” e konfirmojnë një gjë të tillë, teksa bëjnë të ditur gjithashtu se janë kryer 270 testime.
Sipas të dhënave të reja, shpërndarja e tyre në qyetet është e tillë: 24 Tirana, 8 Kruja, 4 Durrës, 3 Fieri, 1 Elbasan, 2 Lezhë, 2 Pukë, 3 Kamëz, dhe 1 Gjirokastër.
Ndërkohë mësohet nga “Report Tv” se në qytetin e Durrësit, një prej rasteve është punonjës në Bashkinë e qytetit, e për pasojë i gjithë stafi i këtij institucioni do t’i nënshtrohet testimit.
Ndërsa në Krujë, raportohet se rastet e reja janë kontakte të të infektuarve të mëparshëm.
Në kuadër të rikthimit të shifrave të larta të të infektuarve, ekspertët e mjekësisë kanë bërë sërish thirrje për respektimin e distancimit social, ndërsa ditën e djeshme u njoftua se do të shtyhet me një javë hapja e transportit publik (lexo këtu).
