Ish-banorja e “Big Brother”, Rike Roçi ishte sot e ftuar në emisionin “Një kat më lart”, ku foli për jetën e saj private dhe për planet për karrierën e saj si modele.
Rikja gjithmonë e ka shprehur se pika e saj e dobët ka qenë dhe do të mbetet babi i saj i ndjerë. E pyetur nga moderatori Ermal Peçi për babanë e saj, ish-banorja e “Big Brother”, shpërtheu në lot dhe tha se s’duhet t’ia kishte bërë këtë pyetje.
“Babi ka 2 vite që nuk jeton më. Kam qenë shumë e lidhur me të, ka qenë pika ime e dobët. Më mungon tmerrësisht. Nuk ka ditë, natë që para se të fle të mos mendoj babin”, u shpreh Rikja e përlotur.
Moderatori si për ta ngushëlluar i tha se dhe ai gjendet në të njëjtat pozita dhe se gjërat nuk janë në dorën tonë, por na bëjnë më të fortë.
“S’duhet të ma bëje këtë pyetje”, tha Rikja duke mos i mbajtur dot lotët.
