Ish-banorja e “Big Brother” Rike Roçi, pak ditë më parë postoi në Insta Story një video ku shfaqej në sekuenca të shkëputura në teatër.
Pas aludimeve të shumta nga mediat, Rike ka konfirmuar për “Panorama Plus”, se është duke bërë realitet ëndrrën e saj më të madhe, filmin, ndërsa po studion në Akademinë e Kinemasë së Romës.
“Për çdo rol duhet të hyj në personalitete të ndryshme dhe kjo më shqetëson pak derisa të mësohem me këtë teknikë. Plus, në angazhimet e mia të përditshme, tashmë hyjnë edhe xhirimet që janë vërtet shumë të lodhshme”, ka pohuar ajo.
E pyetur se me kë po bashkëpunon, Roçi është përgjigjur: “Jam duke punuar me regjisorë dhe casting regjisorë të serialeve të famshme “Gomorra”, “Suburra” etj., të cilët më zgjodhën për projektet e tyre. Synimi im është kinemaja, normal, por disa xhirime janë bërë dhe ende s’e di kur do dalin.”
