Në muajin maj të këtij viti, shefi i kuzhinës Renato Mekolli lajmëroi ndjekësit se rrugëtimi i tij në “Hell’s Kitchen Albania” kishte përfunduar.
Mekolli tregoi se po largohej jashtë Shqipërisë dhe ende nuk e dinte ç’do të bëhej me vazhdimësinë e programit.
“Nuk ka më “Hell’s Kitchen”, unë largohem nga Shqipëria. Mbase me ndonjë chef tjetër po.”- shkruante Renato në një koment në Instagram.
Të gjithë menduam se nuk ka më një sezon të tretë të “Hell’s Kitchen” dhe “Top Channel” po e mbyllte emisionin e njohur.
Mirëpo, duket se kjo ka qenë sërish një lojë e Renatos.
Autorja e emisionit, Olsa Muhameti, ka treguar se “Hell’s Kitchen” do të nisë sezonin e tretë dhe shumë shpejt do të hapen audicionet për konkurrentët.
Jo vetëm kaq!
Olsa ka ndarë edhe një foto me Renato Mekollin ku shkruan “Ja ku nisim përsëri”, duke lënë të kujtohet se shefi i kuzhinës do të jetë sërish këtë sezon në drejtimin e programit.
