Rihanna u pa për herë të parë të premten që kur u publikua lajmi se këngëtarja dhe A$AP Rocky mirëpritën një djalë. 34-vjeçarja,e njohur për stilin e saj të vecantë, kësaj radhe kishte zgjedhur rehatinë duke veshur syze dielli të mëdha të zeza dhe veshje të gjera. Rihanna lindi fëmijën e saj më 13 maj në Los Angeles por cifti ende nuk e ka zbuluar emrin e djalit të tyre. Rihanna dha lajmin për shtatzaninë në fund të janarit.
“Ata nuk janë larguar nga njëri-tjetri. Ata janë mbi hënë. Ajo mezi po e pret mëmësinë për një kohë të gjatë. Ky djalë i vogël do të ketë veshjet më të mira të bebeve”- shprehën burimet.
Rihanna dhe A$Ap Rocky thuhet se do të udhëtojnë së shpejti në Nju Jork për të prezantuar fëmijën me prindërit e tij.
Gjithashtu pas lajmit të lindjes të këngëtares ka ardhur reagimi i papritur nga Chris Brown. Reperi ndau në Story-n e tij në Instagram një foto që lexonte thjesht, “Urime”, me një zemër të kuqe dhe një emoji të gruas shtatzënë. Kjo i ka lënë fansat tepër konfuz sidomos duke marrë parasysh historinë e tyre.
Përpara lidhjes së saj me A$AP, RiRi ishte sërish në një lidhje me këngëtarin Brown nga viti 2008 deri në 2013. Dyshja u ndanë në mënyrë të famshme për herë të parë në shkurt 2009, pasi Brown u arrestua për sulm fizik ndaj të dashurës së tij të atëhershme, duke e lënë atë të shtruar në spital nga plagët e saj.
