Rihanna nuk ka qenë aktive në muzikë kohët e fundit, në mënyrë që të përqendrohet në kompaninë e saj të të brendshmeve të quajtur Savage x Fenty.
Këngëtarja nga Barbadosi pak ditë më parë ka prezantuar linjën e re të veshjeve intime! Riri, është siguruar që shfaqja e radhës së Savage X Fenty, të shkojë përtej imagjinatës sonë.
Siç vetë ylli i pop-it shkruan, prezantimi i këtij viti ka qenë sfidë për atë dhe për gjithë skuadrën, për shkak të situatës së krijuar nga pandemia.
https://www.instagram.com/p/CF1eA7egl0D/?igshid=gzdukjcjs00u
Mirëpo, së fundmi këngëtarja ndodhet në telashe pasi fansat kanë vënë re se ka përdorur Hadithin islamik gjatë shfaqjes.
32-vjeçarja po përballet me shumë reagime nga interneti pasi ajo është akuzuar për mosrespektim të vlerave të Islamit duke përdorur një këngë që ka vargje të Hadithit.
Kënga quhet ‘Doom’ dhe është krijuar nga një producent me qendër në Londër, i quajtur Coucou Chloe më shumë se dy vjet më parë. Kënga ka mostra vokale islamike nga Hadithi i cili me sa duket flet për fundin e kohërave dhe ditën e gjykimit.
Një pjesë e madhe e përdoruesve të rrjeteve sociale shpërthyen në statuse e kritika kundër saj.
https://www.instagram.com/p/CF8o2fIAs5x/?igshid=1inuc0v5syojr
Hadithi në mënyrë të organizuar dhe bazuar në zinxhiret e transmetimit, është tërësia e thënieve dhe praktikës së përditshme fetare të profetit Muhamed ( profeti i fundit i njerëzimit sipas muslimanëve) bazuar në librin e shenjtë të muslimanëve, Kur’anin.
Praktika e përditshme e profetit, quhet Sunnet profetik dhe është përcjellur brez pas brezi nëpërmjet dijetarëve islamë dhe imamëve (prijësve fetarë) në të gjithë botën islame tek besimtarët praktikues të kësaj feje.
Pas librit të shenjtë Kur’anit, Sunneti profetik është burimi i dytë kryesor i udhëzimit të praktikës islame në të gjithë besimtarët muslimanë në botë.
As Rihanna dhe as ekipi i saj nuk kanë reaguar ende ndaj këtyre akuzave. Ndërkohë, mund të dëgjoni më poshtë audion shumë të diskutueshme të këngës ‘Doom’ pikërisht këtu:
https://youtu.be/2SmSf0QVXCQ
