Një nga kërcimtaret dhe mikeshat e Rihanna-s është zhdukur dhe është raportuar e humbur. Bëhet fjalë për Shirlene Quigley e cila më parë ka qenë pjesë edhe e stafit të Beyonces.
Babai i saj i shqetësuar ka kontaktuar me autoritetet pasi e bija nuk ka telefonuar siç bënte çdo ditë. hera e fundit që ajo është parë ka qenë dita e diel. Ndërkohë që policia vazhdon kërkimet Rihanna ka postuar në Instagram një video të mikeshës së saj për të rritur ndërgjegjësimin në lidhje me zhdukjen.
“Ky shpirt i bukur dhe kërcimtare e imja është zhdukur! Zemra më dhemb kur mendoj se sa situatë e rëndë është kjo për të gjithë ata që e duan këtë vajzë. Nëse ndonjë prej jush e ka parë apo ka ndonjë informacion se ku mund të ndodhet ju lutem kontaktoni departamentin e Policisë. “- ka shkruar Rihanna.
Në videon që këngëtarja ka shpërndarë, Shirlene jep një mesazh shumë domethënës. “Imagjinoni nëse të gjithë e trajtojmë njëri-tjetrin sikur jetojmë në të njëjtën shtëpi. Imagjinoni nëse e trajtojmë njëri=tjetrin sikur vijmë nga një familje… në fund të ditës kjo është familja dhe duhet ta duam tjetrin pa dallim”.
Shirlene e filloi karrierën e saj në moshën 18-vjeçare përkrah Beyonce-s në klipin e këngës “Crazy in love” e më vonë ka bashkëpunuar me Missy Elliott, Mary J. Blige, Jamie Foxx dhe Ashanti.
