Një nga femrat më të njohura në planet, Rihanna, feston sot ditëlindjen. Me rastin e 30-vjetorit, këngëtarja ka pritur me miliona urime në profilin e saj në Instagram.
Por urimi më i bujshëm ka qenë ai i ish-të dashurit, Chris Brown, i cili sapo na tregoi se ende nuk e ka harruar Riri-n.
Këngëtari amerikan dhe Rihanna kanë patur një lidhje intensive e cila dukej serioze. Por mjaftoi një sherr mes tyre i cili u kthye në dhunë fizike ndaj këngëtares, ai që e ndau përfundimisht çiftin.
Megjithatë, edhe pse vitet kanë kaluar, Chris Brown sot tregoi se vijon të ruajë marrëdhënie me ish-in.
“Gëzuar ditëlindjen Rihanna”, shkruan ai ndërsa shumë fansa janë lumturuar dhe shpresojnë për një rikthim të tyre.
