Ashtu siç kanë bërë prej muajsh, Bora Zemani dhe Donald Veshaj ia kanë dalë përsëri të thyejnë rrjetin dhe të jenë qendra e vëmendjes. Por rrjedhimisht vëmendja përqendrohet edhe tek këngëtarja Beatrix Ramosaj, emri i së cilës është lakuar jo pak pas lidhjes me Donaldin.
Intervista e Borës dhe Donaldit dhe videot e tyre së bashku në dasmën e Arbër Hajdarit janë kudo në rrjet. Por si është gjendja e Beatrix Ramosajt?
Gjatë kohës kur po transmetohej intervista e Bora Zemanit përballë vëllezërve Veshaj, Beatrix ndau me ndjekësit e saj disa postime duke bërë të ditur se po darkon me ish-banoren e BBV Antonela Berishën dhe mamanë e saj.
Ndërkohë edhe ditën e sotme Beatrix nuk i ka kursyer story-t, ku në të fundit shfaqet e buzëqeshur dhe “më e lumtur se kurrë.”
Heshtja e Beatrix Ramosaj pas fotos së parë të çiftit Bora Zemani-Donald Veshaj nuk zgjati më shumë se dy ditë.
Këngëtarja reagoi për herë të parë pas fotos që theu rrjetin duke publikuar një sërë fotosh në Instagram shfaqej e veshur mjaft sensuale.
Dhe sigurisht mungoi një mbishkrim pikant. “Krejt toksinat Ramosaj ty t’i shëron”- shkroi Beatrix krahas fotove duke u interpretuar si një thumb.
Sikurse kanë bërë prej muajsh, Donald Veshaj dhe Bora Zemani ‘thyen’ sërish rrjetin të martën e kaluar. Të buzëqeshur dhe me mesazhin e thjeshtë “Na lini të kërcejmë”, ata zyrtarizuan kështu ribashkimin e tyre.
Moderatorja ishte gjithashtu e ftuar në emisionin e vëllezërve Veshaj ku foli për herë të parë për të gjitha përjetimet e saj përgjatë një viti, që pas puthjes së famshme në “Big Brother” (KLIKO KËTU).
