Rezarta Shkurta ndan vazhdimisht me ndjekësit e saj në rrjetet sociale foto të vogëlushes Hera. Aktrimi, kënga, baleti dhe modelingu janë disa nga hobitë e Herës, të cilën mami Rezarta e ekspozon në çdo moment.
Ndërsa me publikimin e fotove të vajzës është shumë e hapur, përsa i përket pjesës tjetër të familjes Rezarta tregohet shumë e kujdesshme. Sot ajo ka ndarë me fansat e saj në “Instagram” një foto të Herës me stërgjyshen e saj, Nexhmie Hoxhën.
Nga fotoja shihet qartë se ato të dyja kanë një raport shumë të ngushtë dhe këtë e demonstron më së miri edhe përshkrimi që Rrezarta i ka bërë fotos.
“Ne e kemi shumë xhan nëna Mian, edhe pse ja marrim të gjitha stilolapsat ku ajo çdo ditë shkruan dhe hedh kujtimet e saj me gjyshin e madh”.- ka shkruar Rezarta në përshkrimi e fotos.
Ndërkohë ajo që na bie në sy është fakti që Rezarta ka bllokuar komentet në këtë foto.
