Rezart Veleshnja është kthyer në një personazh shumë të komentuar. Ai pëlqehet e klikohet shumë në YouTube prej roleve epike që ka në Portokalli.
Së fundmi ai ka festuar në ambientet e televizionit ku ai punon, në “Top Channel” arritjen më të madhe të karrierës së tij, 100 karakteret në emisionin e humorit “Portokalli”.
“Faleminderit trupa me e mire e shkolles Portokalli! Faleminderi Mami dhe Babi im se prej jush Sot festova 100 karakteret e mia ne portokalli karaktiri i 100 eshte kete te diele në Portokalli i them shkolle sepse te gjithe pasi ikin e falenderojne per mesimet qe i dha per rrugetimin e tyre ne jet! flm trupa e baletit! flm katershes se mrekullueshme flm Binaj Zalla Cela, Caci dhe padiskutim Denisa Haxhiaj!”, ka shkruar ai krahas videos.
Aktori i humorit mori shumë urime nga miqtë dhe kolegët. Po ashtu, moderatorja e njohur, Luana Vjollca duke mos patur mundësinë që të ishte prezente në festë, i bëri një urim publik nëpërmjet një videoje në InstaStory.
“Si thoni ta urojmë pak Rezin të gjithë publikisht për 100 karakteret që i ka arritur sot, një ndër aktorët më të mirë shqiptarë. Ti e di sa shumë të vlerësoj unë ty edhe pse nuk isha te festa jote sot”, është shprehur Luana.
Kujtojmë se para disa kohësh u përfol shumë për arsyen e largimit të Rezartit nga emisioni “Shiko Kush Luan”. Vendin e aktorit e zuri kolegu i “Portokalli”, Irgen Çela dhe u tha se shkak për largimin e tij ishte bërë një debat i fortë me Luanën.
Mirëpo pas gjithë këtyre thashethemeve Rezarti u shfaq sërish disa ditë më pas në provat e emisionit.
Aktori publikoi në Instagram disa video, në të cilat shihej duke performuar me këngëtarin e njohur, Gena, që mesa duket do të jetë i ftuari i kësaj të shtune. Ndërkohë në një video tjetër, Rezarti shfaqej i maskuar si artisti, Endri Prifti, ndërkohë që këndonte e i biente kitarës.
Më pas ai u rikthye dhe tregoi se mes tyre nuk ka ndodhur asgjë.
“Kam qenë shumë i zënë me “Portokalli” dhe kam pasur dhe disa punë të miat private dhe për këtë gjë kishte një zëvendësim, por kjo nuk do të thotë që unë ika se nuk kishte asnjë deklaratë nga ana ime.”
