Poeti Agim Doçi ka debatuar me aktorin e humorit Rezart Veleshnja, duke bërë që ky i fundit të largohet në mes të emisionit.
I ftuar në “360gradë” në RTV Ora, aktori i Portokallisë u pyet nga poeti për regjisorin e programit Altin Basha.
Veleshnja iu përgjigj Doçit dhe më pas u ngrit papritur duke thënë se nuk i takon të rrijë në një emision ku flitet gjuhë rruge.
Ai theksoi se nuk di të debatojë por vetëm të bëjë humor, por kur Doçi i tha që s’po bën humor, aktori u ngrit dhe takoi drejtuesin e emisionit Artur Zheji, për t’u larguar më pas.
Doçi: Çfarë punë bën ky Altin Basha.
Veleshnja: Altin Basha është regjizori i Portokallisë!
Doçi: Kur ka mbaruar?
Veleshnja: Nuk jam aq i vjetër, është i përgatitur dhe ka mbaruar në Londër.
Doçi: As më duhet gjë fare.
Veleshnja: Nuk flitet kështu profesor, është me dashakeqësi. Mua nuk më takon të rri këtu, se kjo është gjuhë rruge. Unë duhet të çohem tani. Unë jam i qetë dhe bëj humor, nuk jam sherrxhi.
Doçi: Po s’ke bërë humor qysh kur ke ardhur. Fillo e bëj humor dhe unë s’flas, se unë s’po shoh humor.
Veleshnja: Mua më the je aktori im i preferuar, tani e ktheve. Turi më duhet të iki se kam një familje, të të puth pak? Je kthyer në një “Zonë e lirë” e shkëlqyer!
