Pëllumb Pipero është kthyer në një nga mjekët më popullorë në kohën e pandemisë. I pyetur nëse ka pasur ndonjë rritje rroge pas famës që ka marrë me intervistat e dhëna gjithandej në ekranin shqiptar, Pipero u shpreh se ka marrë bonusin për punën e tij.
Ai u ngacmua nga aktori Rezart Veleshnja në “360gradë” në RTV Ora për famën e fituar në periudhë pandemie dhe ja si u përgjigj.
Veleshnja: Pas kësaj pandemie ju keni qenë kryesor se hapnim televizorin dhe të shihnim ty. Më thuaj, ta kanë rritur ndonjë çikë rrogën? Është kryesorja kjo!
Pipero: Morëm shpërblim, kemi marrë bonus.
Veleshnja: Morë bonus? Epo të rroftë që dole në TV, të paktën u bëre i njohur.
Gjatë bisedës, mjeku Infeksionist u shpreh kundër mbajtjes së maskave dhe doreza në rrugë dhe pro hapjes së më shpejt të plazheve.
Pipero shtoi se virusi nuk transmetohet përmes ujit dhe ka këshilluar që sa më shpejt të hapen plazhet aq më mirë për turizmin.
Pipero: Kam qenë dhe jam kundër maskës në rrugë, si dhe kundër doreza. Dora është mjet indirekt transmetimi dhe duke e pasur dorezën e bëjmë të pandjeshme ndaj virusit. Nga ana shkencore mundësia për ta transmetuar virusin në një distancë mbi një metër është e madhe.
Studimet dëshmojnë se virusi nuk transmetohet përmes ujit, aq më pak ujit të detit. Kam këshilluar që sa më shpejt të hapim plazhin, aq më mirë është për Shqipërinë. Sa më shpejt të hapet turizmi aq më mirë është për Shqipërinë.
