“Photoshop”-i mund të jetë një dukuri e zakonshme në industrinë e modës, por fotografitë e fundit të Jasmine Tookes për “Fantasy Bra” të “Victoria’s Secret”, tregojnë strijat në pjesën e ijëve të modeles.
Marka publikoi disa foto të promovimit të engjëllit 24-vjeçar e veshur me reçipetat 3 milionë dollarëshe, Bright Night Fantasy. Fotot erdhën pasi u zbulua se ajo do të modelojë me të brendshmet 450-karatëshe në shfaqjen e modës në Paris.
Dhe ndërsa Jasmine dukej e mrekullueshme me reçipetat prej diamandi dhe smeraldi, imazhet e saj shkaktuan një tronditje sepse duket se nuk ishin të edituara.
Në një nga fotot, bukuroshja nga Kalifornia qëndron mbi gju në një divan kadife, duke harkuar kurrizin e saj dhe duke nxjerr në pah të pasmet.
Ajo që e bën imazhi ndryshe nga reklamat e tjera të të brendshmeve është fakti që shfaqen shenja të dallueshme të strijave në ijën e Jasmine-s.
Ajo që mund të quhet “joperfekte” nuk e bën paraqitjen e Jasmine të duket më pak e mrekullueshme dhe mundet që marka të ndryshojë pikëpamjen e saj, kur flitet për editimin e fotove.
“Victoria’s Secret” është akuzuar për dështim të “Photoshop”-it në të kaluarën, ndërsa marka duhet të komentoj nëse imazhi është lënë vetë i paprekuar apo jo, mundet që t’i bashkohet kompanive të tjera të të brendshmeve, që kanë ndaluar editimin e imazheve të fushatës.
*Shfleto galerinë
Burimi: Daily Mail
