Moderatorja e emisionit të pasdites në Tv Klan, Rudina Magjistari, nuk i ka pritur mirë disa artikuj që vënë në pah “gafat” e saj.
Përmes një statusi në “Facebook”, ajo shkruan se e sheh të nevojshme t’ju kthejë përgjigje atyre portaleve abuzive që keqinterpretojnë fjalët me kuptime të ndryshme nga ato që ajo ka thënë.
Rasti i fundit ishte momenti kur Rudina provoi një koktej të përgatitur në studio dhe tha: “Është fantastike, s’e di nëse e ndjeni edhe ju nga ekrani”.
“Është e turpshme sesi e përdorin fuqinë e tyre këto media (nëse e meritojnë këtë emër), jo vetëm duke e transformuar me qëllim të vërteten, por duke kaluar edhe në fyerje e ofendime. Dhe sa më shumë t’i injorosh, aq më shumë përparojnë. Mesa duket në këtë vend nuk funksion metoda e heshtjes; thjesht kjo lloj specie s’duhet toleruar që në orvajtjen e parë. Mësim i vonë, por ende i vlefshëm”, shkruan Rudina.
